Tim Cheung (@TimCheung)

https://youtu.be/9BuvQ7aaIKM?si=IyzAs6A62nW5TgIu $alexng $us $canada 加拿大真係可以靠鉀肥「封死美國」？美國高度依賴加拿大鉀肥，呢個係事實；但由「有議價籌碼」講到「加拿大一禁鉀肥，美國農業就玩完」，中間究竟計漏咗幾多條數？ 加拿大每年輸往美國嘅鉀肥，貨值大約 42億加元。就算作一個極端假設：加拿大可以將價格推高 50%，而美國一噸都唔少買，額外金額亦只係約 21億加元。 但另一邊，加拿大每年由美國入口農產品約 282億美元，折合接近 400億加元。假設美國農業成本上升後，相關入口農產品平均價格只係上升 10%，加拿大額外承受嘅成本已接近 40億加元——幾乎係假設鉀肥加價所得嘅兩倍。 最重要係：呢條數重完全未計美國報復。 唔需要特朗普加加拿大關稅，唔需要美國禁止加拿大汽車、能源或者木材。加拿大一旦刻意推高美國農業肥料成本，農業成本增加、食品價格承受上行壓力，加拿大作為美國其中一個最大農產品買家，自然可能食返個迴力鏢。 如果再玩到禁止鉀肥出口，美國固然要搵替代來源；但加拿大同時亦要搵地方消化原本輸往美國、佔加拿大鉀肥出口超過一半嘅貨量。 所以鉀肥究竟係加拿大嘅「經濟核彈」，定只係一張非常有用、但絕對唔適合亂打嘅談判牌？ 今集《慎思明辨》由鉀肥出口額、美國農業、加拿大食品入口，以至全球糧食供應鏈逐條數拆開。 註：片中50%鉀肥加價及10%食品價格變化屬情景／量級分析，並非預測實際價格必然出現相關升幅。標題提及 $蕭若元、$吳志森、$徐少驊 屬評論式比較，並非表示三人曾作出相同鉀肥主張。 #加拿大 #美國 #鉀肥 #美加貿易戰 #特朗普 #卡尼 #Potash #TDS #慎思明辨 #FactCheck